老師佢講粗口呀!!

「老師，佢講粗口呀!! 罰佢留堂啦。」
這是小學雞每日的指定動作。

原來香港大社會都有架「社會，學生講粗口呀!!」，浸大學生對老師講粗口，社會好似視之為學生的滔天大罪，罪無可恕咁。

但個司長僭建，但又叫人寬恕，比條生路人行。

我想知係咩玩法。

如果講粗口同罵老師係「嚴重罪行」的話，咁僭建係咪要鞭屍同身首異處呢? 我唔知，因為依家個社會對道德倫理、法規、制度，都唔知想點。一時又叫人包容，一時又話會有人走出來話「人地僭建關我鬼事咩」但個學生鬧老師但又關你事?

現在年輕人其實就係原罪啦，你一有咩不滿，又話你廢青或者激進份子，再唔係就話你不守制度，不尊從社會體制，但成人卻又不見得所謂跟制度，最好笑就係個長官同你講依家無人肯做司長，佢肯做，就大家將就下啦，好似好難為人咁，咁難為人，就無謂迫人啦。

一些媒體將一些事情無限放大，但同時間又將其他事情無限縮小。不過係咁啦，現在個勢不在你，即使駱應淦有幫其中七警打官司，但係都會有報紙又話大律師公會的委員有問題，又話人唔接Job云云。連Cab-rank rule也不知道，這又是什麼樣的水平呢。

講粗口是罪，僭建可以包容，不同意就DQ，埋到堆就自己人，這些人生道理，在通識科入面，應該要教，否則仲教學生要守法重道，不群不黨喎，咁個學生將來做事，堅信教科書嘅道理，會累死學生囉。