2017年3月10日星期五

香港四大毒瘤政府、地鐵、TVB、的士

在香港生活艱難係人都知,但是如何艱難都可謂數之不盡,六六無窮,長難長有,當中一些生活面對的人和事,你真的是見到火都嚟,但是你又吹佢唔脹呢下先火,住在香港的港人,一生中必定會面對四座大山,你整極都唔走,點樣也不倒,當中四大,相信亦不為過。

政府、地鐵、TVB、的士

首推政府,你問政府有幾衰,老實說,我真係唔知,係唔知點講好,不如問香港政府有幾好?好像無樣野好,每年你交稅要準時,但是你從來唔覺得政府有邊樣野準時,由最低工時到強積金對沖,講都講到口臭,但都沒有真正實行或者確認過,講到教育,日日個教育局局長叫你生涯規劃而不理學生生與死但佢就一早自己規劃好幾時去旅行,唔係就個上司打電話話自己係梁特首,更加火都嚟係一個唔知係咪仲係到做既財政司用兩球野修築財政司官坻,兩球野呀!當然又有無數大白象工程有如倒水落海但你唔知幾時會用,但你一定要交稅來浪費你的納稅血汗錢。至於政治打壓、赤化、歪理紀律部隊等等,都唔想再講,講都口臭。

地鐵都算係交通與地產的混合霸權,這個怪物,曾經是香港人值得自豪的交通服務,因為快捷、簡便,話咁快就到,但是今天呢?擠迫、壞車、加價、近期加多樣就係漏水,仲有不斷延遲通車的地鐵線,還有無底深潭仲深過地鐵自己挖地底既高鐵,你都唔知埋單要幾多,車票又唔知再要加幾多。仲有欺善怕惡的地鐵政策和所謂的禮貌運動,鬧背囊客仲要上埋電視去醜化但係水貨客卻無任歡迎,扮鬼掩眼睇我唔到。你是一介市民,每日坐東鐵見水貨客阻你返工、然後放工等不知幾多班都仲未上到車的金鐘站,而車費從來都有增無減的虛假陳述的可加可減機制,你不火滾的話我當你贏。

TVB是港人既愛且恨的一個港人熟悉甚至全球華人曾經首要觀看的華語電視台,曾經很In,但今天你話最愛TVB都覺得你係咪香港人。節目每況越爛、制作粗劣沒有進步、抄襲成風但從不承認,新聞偏頗單一毫不持平的CCTVB新聞節目,但更甚是一台獨大使你沒有選擇,以前覺得香港一個單丸之地居然有個TVB都真係幾勁但今天TVB有幾勁?只知道十年如一日仲有陳百祥做台慶主持表演,你話有幾叻?

香港的士都算係種很人性化的交通工具,因為的士司機將人性的陰暗面呈現給你看,拒載、揀客、黑的、橫衝沒有交通規則意識,司機很有禮耐唔耐會問候你娘親之類,你都見怪不怪甚至見到麻木而不自知。的士集團壟斷市場所以你想有新的選擇有個Uber用下佢就鬧自己好慘然後玩慢駛來佔領中環,要生要死搵刀仔拮大脾,的士佔領中環就得,市民一佔,的士什麼團體就出來話你阻我發達搵食,這種橫蠻無理的訴求,但偏偏我們的特區政府卻照單全收,點解?或者問問譚惠珠。

但讓你最火最火不只是以上四大毒瘤,而是你面對這四大毒瘤而毫無還擊之力,你想搵個醫生想砌除佢,會有人同你講你唔好咁偏激啦,包容下啦,改緊架,等多陣唔駛死、唔睇咪睇第二樣無人迫你、你咪當慳錢唔搭益左你呀。就係逃避,所以先有呢四大毒瘤,日劇話《逃避雖可恥但有用》,但係香港係冇撚用架!!香港不是日本呀!!

沒有留言:

發佈留言

LinkWithin

Related Posts with Thumbnails