2012年8月2日星期四

都是港女惹的禍?

按我分享

用這個題目的目的當然是嘩眾取寵來吸眼球罷。

因為正確來說是「都是港嬸惹的禍」才對。

近期政治圈有一個極為相類似的政治技巧,就是任何一位政洛有什麼錯誤都會把責任卸到太太身上,太太的膊頭比老公個膊頭更有擔帶,能夠食隻死貓讓自己個男人繼續其政治生涯。

首先當然是以唐唐為經典,其太太郭妤淺上演太愛個老公然後就一力承擔地下皇宮這個超級黑鑊,可惜都是被射下馬,可謂犧牲得無謂,回報可謂是零,甚至是負分。

第二便是新任特首梁振英的太太唐青儀,其僭建花槽又是由一個女人私自造成,又是不關男人事,當然聲稱冇僭建但最後都是一樣,特首又學唐唐這一招,明顯是二次元創作。不過梁比唐更有技巧,就是兩次利用了女人,高招。

第三便是新鮮滾熱辣的發展局局長陳茂波,整個當房,又有瞞稅之嫌,但原來都不關他事的,因為他已不是該公司董事,而是他的太太許步明搞架,又係由女人擔起這次鑊。

原來三次鑊,都係由女人造成,簡直是罪惡之源,港嬸不能逃。

但我也佩服港女的義氣,在此大鑊和危機,老婆沒有離棄過男人,還肯啃個黑鑊,你話港女唔掂?真係大錯特錯了。反之男港這些事情上真係肉酸到暈。每每都要搵個女人仔背鑊,還要扮到唔知情,但又唔知自己不是梁朝偉,毫無方法演技可言,可謂演技差劣。當然編劇技巧亦差,有如TVB編劇,成日都抄襲,搵少少創意好唔好?唐唐用了一次,梁又再用,陳重繼續用呢條橋,真係醜唔醜架?

反而阿上任發展局局長麥齊光一人架頂喎,力頂到搵埋佢個同事一齊頂,呢下真係問你服未!!

其實怒火街頭3劇情,真係可以拿近期特區政府醜聞做劇本都得,不過最好要問問特首是否需要比版權啦,話晒都係佢編架麻。

伸延閱讀
陳茂波發聲明回應妻子投資舊樓事件

沒有留言:

發佈留言

LinkWithin

Related Posts with Thumbnails